Monday, 31 July 2017

పరవశం

మేఘానికి కబురొచ్చింది
వర్షించే సమయం ఆసన్నమయ్యిందని

పుడమికి పిలుపొచ్చింది
తడిసిన తన వంటి సువాసన
వెదజల్లే అవకాశమొచ్చిందని

పురి విప్పే నెమలికి తెలిసొచ్చింది
ఆనందంతో నాట్యమాడే తరుణమొచ్చిందని

చిగురుటాకుకి అర్ధమయ్యింది
తన యవ్వనానికి సొగసొచ్చిందని

మొత్తానికి అందమైన ప్రకృతి గుర్తించింది
తనకన్నా అందమైన ఆమె నవ్వుకి
తాను పరవశిస్తున్నానని

4 comments: