కొంతమంది సినిమా నటులు, దర్శకులు, పాటల రచయితలు, నిర్మాతల పేర్లు గమనించండి. వారు నటించిన లేదా నిర్మించిన సినిమా పేరుతో కలిపి ఉంటాయి వారి పేర్లు. ఉదాహరణకి 'షావుకారు జానకి ', 'సిరివెన్నెల సీతా రామశాస్త్రి", కళ్ళు చిదంబరం, 'శుభలేఖ సుధాకర్ ', మహర్షి రాఘవ ', 'దిల్ రాజు ', 'అల్లరి నరేష్', 'వెన్నిరాడై నిర్మల ', 'నిళళ్గల్ రవి ', యిలా చెప్పుకుంటూ పోతే చాలా మంది లిస్టు తయారవుతుంది. యిదంతా మీకు తెలిసిన విషయమే. చెప్పుకోవలసిన విషయమేమిటంటే 'దిల్ రాజు ' ని అందరూ పిలిచినట్టు ఆయన అసలు పేరు 'రాజు' కాదు - 'వెంకట రమణా రెడ్డి'. 'రాజు ' అన్నది ఆయన ముద్దు పేరు మాత్రమే. 'దిల్' ఆయన తీసిన మొదటి సినిమా. ఆ సినిమా హిట్ అయ్యాక అందరూ ఆయన్ని 'దిల్ రాజు ' అని పిలవడం మొదలు పెట్టారు. బానే ఉంది. కానీ ఆయన తన సినిమాల్లో తన పేరుని 'రాజు' అని మాత్రమే వేసుకుంటాడు. 'దిల్ ' ని ఎక్కడా తన పేరు ముందు చేర్చడు. అయినా సరే అందరూ ఆయన్ని 'దిల్ రాజు' అనే పిలుస్తారు.
నాలోనూ ఒక రచయిత ఉన్నాడు అన్న విషయం కొన్ని రోజుల క్రితం వరకూ నాకూ తెలీదు. అంటే యిప్పుడేదో గొప్ప రచయితనైపోయానని కాదు. ఏదో సరదాగా మొదలు పెట్టిన యీ బ్లాగులో యిన్ని పోస్టులు పెట్టబోతున్నానీ, పెడతాననీ, అసలేమాత్రం ఊహించలేదు. యిది నిజం. నేను పెట్టే ప్రతీ పోస్టూ మీకు నచ్చుతుందనే నా ఆశ. మరొక్క మాట. మీ స్పందన నాకు అత్యంత ప్రాణప్రదం. మీ స్పందనలు నాలో మరింత ఉత్సాహాన్ని నింపి మరిన్ని పోస్టులతో నా బ్లాగుని నింపటానికి ఆక్సిజన్ లా పనిచేస్తాయి. మీ స్పందనలనీ, అభిప్రాయాలని తెలియచేస్తారు కదూ. - వరప్రసాద్ దాసరి.
Tuesday 20 May 2014
Subscribe to:
Post Comments (Atom)
No comments:
Post a Comment