మీ వయసెంత?

మీ వయసెంత అని ఎవరైనా అడిగారనుకోండి. ఎంత చెపుతారు? అదేం ప్రశ్న ? నా వయసెంతో అంతే చెపుతాను. అని చిరాకు పడుతున్నారు కదూ? ఆగండాగండి. యిందులో ఒక చిన్న తిరకాసుంది. ఎలాగో చూద్దాం. మీరు 1-1-1974 సంవత్సరములో పుట్టారనుకుందాము. యిప్పుడు చెప్పండి మీ వయసెంత చెపుతారు?
40 సంవత్సరాలా? లేక 41 సంవత్సరాలా?
చాలా మంది చెప్పే జవాబు 41. కానీ యిది తప్పు. ఎందుకంటే మనము చెప్పాల్సింది మనము ఎన్ని సంవత్సరాలు పూర్తి చేసాము అని. అంతే గానీ పూర్తి చేయాల్సిన వయసు చెప్పగూడదు. యింకా కొంచెం లోతులోకి వెళ్ళి చెప్పుకుంటే ఓ మూడు నెలల క్రితం మీకు ఒక అబ్బాయి పుట్టాడనుకొనడి ఆ అబ్బాయి వయసు ఎంత చెపుతారు? మూడు నెలలు చెపుతారా లేక సంవత్సరమా? అర్ధమయ్యిందనుకుంటా?!