మీరు ప్రయత్నిస్తున్న వ్యక్తి అందుబాటులో లేరు

ఎవరికైనా అప్పిచ్చారా? ఇస్తానన్న రోజుకి తిరిగివ్వలేదా? లేదా ఏదైనా పని గురించి ఎవరి సహాయమైనా కోరారా? అయితే ఫోన్ చేయండి. చేసారా? మీ కాల్ లిఫ్ట్ చేయటం లేదా? ఎన్ని సార్లు చేసినా అదే తంతా? ఫోన్ పని చేయడం లేదనుకుంటున్నారా? అదేం కాదు. మీ నెంబరు చూసి అవతలి వ్యక్తి తీయడం లేదంతే. ప్రస్తుతము బయట జరుగుతున్న ప్రహసనం యిది. యిదొక కొత్త రకం సైకాలజీ అన్నమాట. అవతలి వ్యక్తికి మీ నెంబరు చూడగానే దాన్ని కట్ చేయటమో లేక మాట్లాడటమో చేయడు. దాన్ని అలా సైలెంట్ మోడ్ లో పెట్టేస్తాడన్న మాట. మీకు విషయం అర్ధం కాదు. ఆ తర్వాత అతను ఎప్పుడైనా కనిపిస్తే అతను మీకు వెంటనే చెప్పే జవాబు "వైబ్రేషన్ లో ఉంది - చూడలేదు", "ఫోన్ ఇంట్లో పెట్టి బయటకు వెళ్ళాను", ట్రాఫిక్ లో ఉన్నాను చూసుకోలేదు". అవన్నీ అబద్ధాలే.