శెలవిక నేస్తం

ఎక్కడ్నించో వచ్చాము
ఒక్కటిగా కలిసాము

బాధల్ని పంచుకున్నాము
కష్టాల్లో ఓదార్చుకున్నాము

మూడు నెలల ఈ సావాసాన్ని యిట్టే గడిపేసాము
నవ్వుకుంటూ- నవ్వించుకుంటూ

చివరికి వచ్చింది
ఆ రోజు
మనమంతా విడిపోయే రోజు
రానే వచ్చింది

తడబడుతూ వచ్చినా
తడి నిండిన గుండెతో తిరిగెళుతున్నాము
మది నిండా తీపి గురుతులతో
మరెన్నో మధుర జ్ఞాపకాలతో

వీలుంటే
మళ్ళీ అవకాశముంటే
మళ్ళీ కలుద్దాము
లేదంటే వాట్సప్ లోనో
జీమెయిల్ లోనో టచ్ లో ఉందాము

ఉంటాను మరి
శెలవిక నేస్తం

(ఈ కవిత కూడా మైసూరు ట్రైనింగు లో చివరి రోజు వ్రాసాను.)